快餐冒險團 in Action Task.1 報告書(投稿) 豬扒得半呎，冰火怪呵力
日期/時間： 2010年5月27日 0:16:10
分類： 評論

為應影大「快餐冒險團 in Action」，本人於午飯時間，唔訂平日食開的「包伙食飯盒」，特地去就近的塊活接受挑戰。

定價銀兩三十，加野飲「只加五蚊」，不過我特別少少，加左凍呵力，「特價只加八蚊」，今餐盛惠三十八！

行過取餐，只有兩堂食碟，產量不多。不過旁邊有四到五隻外賣碟。唔通食焗豬的都中意外賣？

拎出來，汁略多，不過個人喜好，中意酸同多汁，所以未食都幾吸引。然後拿出豬扒來，喂，仲話成呎長？試下度下，得半呎喎。仲有，短都算啦，仲要玩超薄？你估乜本零點零二咩？不過有菠蘿、幾粒車厘茄，配菜仲係大粒瓜，算交足貨吧！至於個飯，都係因為焗得耐，所以比較硬。

好啦，入口啦，咦，唔錯喎，茄汁小酸，不過豬扒略軟，至於個飯就有小小中雷，蛋粒的味怪怪的，好似放左好耐咁。雖然小小雷，不過都食得完(其實好唔好食都食得完)。

到凍呵力飲品，第一啖係熱的，將飲管提高，第二啖係凍的。難道這是傳說中的冰火飲品？當然，唔同佢冰火，攪一攪先好！所以建議塊活沖好呵力之後同人攪勻左杯野先好比人囉。結論係，不過不失，沒乜驚喜，也唔驚嚇，不過三十八呢個貨仔，唔夠成呎的扒，唔係咁值喎！

所謂組織：大塊活
迷宮分區：黃大仙
活動時段：午市
地雷度： 20%
 

0 個留言 - [進入] - [網誌留言] - [編輯]